யாரு சாமி நீ.. இந்த இந்திய வீரரை பார்த்தா.. வாசிம் அக்ரம் வலது கையில் வீசின மாதிரி இருக்கு.. நான் மட்டும் ஆடி இருந்தா வெறுத்திருப்பேன்.. ஜஸ்டின் லாங்கர்

பார்டர் கவாஸ்கர் போட்டியானது ஆஸ்திரேலியா நாட்டில் தற்போது நடைபெற்று வருகிறது. பார்டர்-கவாஸ்கர் டிராபியில் பும்ரா இதுவரை பரபரப்பான தொடர்பில் இருந்தார். இதில் இரு அணிகளும் 1-1 என்ற சமநிலையை பெற்றுள்ளது. இந்நிலையில், இந்திய வேகப்பந்து வீச்சாளரான பும்ரா 3 டெஸ்ட் போட்டிகளுக்குப் பிறகு 21 விக்கெட்டுகளை எடுத்துள்ளார். இது, மிட்செல் ஸ்டார்க் மற்றும் பாட் கம்மின்ஸை விட 7 விக்கெட்டுகள் அதிகமாகும்.

இதனைத் தொடர்ந்து, ஆஸ்திரேலிய அணியின் முன்னாள் வேகப்பந்து வீச்சாளரும் பயிற்சியாளருமான ஜஸ்டின் லாங்கர், ஜஸ்பிரித் பும்ராவை வாசிம் அக்ரமுடன் ஒப்பிட்டு பாராட்டு மழையே பொழிந்துள்ளார்; பும்ராவின் புதிய பந்தை சீம் மற்றும் ஸ்விங் செய்யும் திறன் இந்தியர்களுக்கு கைகொடுக்கிறது.

பும்ரா அவரின் வலது கை போன்றவர்:

ஜஸ்டின் லாங்கர் தி நைட்லி என்ற டிஜிட்டல் செய்தித்தாள் ஒன்றில் கூறியதாவது, “பும்ராவின் பந்துவீச்சை எதிர்கொள்வதை நான் வெறுக்கிறேன். பும்ரா வாசிம் அக்ரம் போன்றவர். எனது பார்வையில் பும்ரா வாசிம் அக்ரமின் வலது கை போன்றவர். ஒவ்வொரு முறையும் ‘நீங்கள் எதிர்கொண்ட சிறந்த பந்து வீச்சாளர் யார்?’ என்று கேட்டால், என் பதில் வாசிம் அக்ரம் என்று தான் இருக்கும்”.

அனைத்து திறன்களையும் பெற்றுள்ளன:

மேலும் அவர், “அவர்கள் இருவருமே நன்றாக வேகத்தை கட்டுப்படுத்தும் திறமையும், ஒரு சிறந்த பந்துவீச்சாளராகவும், ஒரு நல்ல பவுன்சராகவும் மற்றும் ஒவ்வொரு முறையும் ஒரே இடத்தில் பந்தை வீசுவதற்கான திறனையும் பெற்றுள்ளனர். அத்தனை திறன்களையும் கொண்டு அவர்கள் ரத்த காட்டேரி கனவில் வருவது போல் ஆகி விடுகிறார்கள். பும்ரா பந்தை இரண்டு வழிகளிலும் ஸ்விங் செய்யும் திறனைப் பெற்றுள்ளார், அவரது சீமை பார்ப்பதற்கு கிட்டத்தட்ட ஒரு பிழையும் இல்லாமல் இருக்கும்”.

இதையும் கொஞ்சம் படிங்க: ரோஹித் இதெல்லாம் சரியில்ல.. கோலி மட்டும் கேப்டனா இருந்திருந்தா.. அஸ்வின் கதையை வேற மாதிரி இருந்திருக்கும்.. பாகிஸ்தான் பசித் அலி பேட்டி

அவர் மட்டும் கரெக்டா இருந்தால் இந்திய அணி தான் தொடரை வெல்லும்:

“மறுபடியும் சொல்கிறேன் நான் பும்ராவிடம் எதிர்கொள்வதை வெறுக்கிறேன். அவர் ஒரு சிறந்த போட்டியாளர், அவர் நல்ல வேகத்தில் பந்துவீசுகிறார் மற்றும் அவர் அற்புதமானவர். தொடரின் தொடக்கத்தில் நான் சொன்னேன், பும்ரா உடற்தகுதியுடன் இருந்தால், அது ஆஸ்திரேலியா பேட்ஸ்மேன்களுக்கு ரன் எடுக்க மிகவும் கடினமாக இருக்கும் என்று, அவர் அவ்வாறு செய்யவில்லை என்றால், ஆஸ்திரேலியா அணி தொடரை எளிதாக வெல்லும் என்று நான் நினைக்கிறேன், ” என்று லாங்கர் முடித்தார்.