எம்.எஸ். தோனி ஓய்வு பெற்றுள்ள நிலையில், சென்னை சூப்பர் கிங்ஸ் அணிக்கு இது ஒருவகையில் நிம்மதியைத் தரும் என்று முன்னாள் வீரர் அம்பதி ராயுடு தெரிவித்துள்ளார். அதேசமயம், கேப்டன் ருதுராஜ் கெய்க்வாட்டின் பேட்டிங் அணுகுமுறையில் சில மாற்றங்கள் தேவை என்றும் அவர் சுட்டிக்காட்டியுள்ளார்.
குறிப்பாக, அணியின் தலைமைப் பொறுப்பில் இருக்கும் ருதுராஜுக்கு இனி மிகப்பெரிய வாய்ப்பு காத்திருக்கிறது.
இந்தச் சூழ்நிலையில், தோனியின் ஓய்வு மற்றும் ருதுராஜின் ஆட்ட அணுகுமுறை குறித்து அம்பதி ராயுடு சில முக்கியமான கருத்துகளைப் பகிர்ந்துள்ளார்.
இது குறித்து அம்பதி ராயுடு கூறும்போது, “தோனி அணியில் இல்லாதது கேப்டனின் முடிவெடுக்கும் சுமையைக் குறைக்கும். தோனி அருகில் இருக்கும்போது, ஒவ்வொரு முடிவுக்கும் அவரையே எதிர்பார்க்கும் சூழல் இருக்கும். அதேபோல், ருதுராஜ் தனது கிளாசிக்கல் பேட்டிங் அணுகுமுறையில் பிடிவாதமாக இருக்காமல், ஆட்டத்தை விரிவுபடுத்தி சூழ்நிலைக்கு ஏற்ப மாற வேண்டும். அவரிடம் திறமை இருக்கிறது; சிஎஸ்கேவுக்காகப் பலமுறை சிறப்பாகச் செயல்பட்டுள்ளார். இனி எதிர்பார்ப்புகளுக்கு ஏற்ப அவர் முன்னின்று செயல்பட வேண்டும்” என்று தெரிவித்துள்ளார்.

