நேற்று சிஎஸ்கே அணி பஞ்சாப் கிங்ஸ் அணியிடம் தோல்வி அடைந்ததற்கு காரணம் கூறிய ருதுராஜ் ஆடுகளம் மெதுவாக இருந்தது என்று தெரிவித்திருந்தார். அவரது கருத்துக்கு சுப்பிரமணியம் பத்ரிநாத் கடுமையான முறையில் விமர்சனம் செய்திருக்கிறார்.
நேற்றைய போட்டியில் கேப்டன் ருதுராஜ் 22 பந்துகளை சந்தித்து மிகவும் மெதுவாக 28 ரன்கள் மட்டுமே எடுத்தார். ஆடுகளம் பேட்டிங் செய்வதற்கு சாதகமாக இருந்த நிலையில் அவர் மிகவும் மெதுவாக விளையாடியது விமர்சனத்திற்கு உள்ளாகியுள்ளது குறிப்பிடத்தக்கது.
இது குறித்து சுப்பிரமணியம் பத்ரிநாத் பேசும்போது “நேற்று ஆடுகளம் மெதுவாக இருந்தது என்று ஒரு ருதுராஜ் கூறுவதை நம்புவதற்கு நாங்கள் என்ன முட்டாள்களா? ஆடுகளம் மெதுவாக இருந்திருந்தால் சிஎஸ்கே 200 ரன்கள் தாண்டி எப்படி எடுத்திருக்க முடியும்; இல்லை பஞ்சாப் இரண்டாவது விளையாடும் பொழுது ஒரு பந்து கூட அழுத்தத்தில் இல்லாமல் எப்படி பேட்டிங் செய்திருக்க முடியும்?”
“சிஎஸ்கே மிடில் ஆர்டர் பலவீனமாக உள்ளது. எனவே தான் சீக்கிரத்தில் அவுட் ஆகிவிட்டால் தங்கள் அணி சுருண்டு விடும் என்கின்ற பயத்தில்தான் ருதுராஜ் மெதுவாக விளையாடினான். ஆனால் ஆடுகளம் எதுவாக இருந்தது என்று அவர் கூறுகிறார்” என தெரிவித்திருக்கிறார்.
