1-1 என்ற கணக்கில் பார்டர் கவாஸ்கர் டிராபி சமனில் இருக்கும் நிலையில் நான்காவது போட்டியான பாக்ஸிங் டே டெஸ்ட் இன்று அதிகாலை மெல்போர்ன் மைதானத்தில் துவங்கியது. டாஸ் வென்ற ஆஸ்திரேலியா அணி முதலில் பேட்டிங் செய்ய முடிவு செய்தது.
முதல் மூன்று போட்டிகளில் விளையாடிய மெக்ஸ்வீனி தடுமாரியதால் அவர் விடுவிக்கப்பட்டு அவரின் இடத்தில் ஆட இளம் வீரர் கொன்ஸ்டாஸ் அணிக்குள் வந்தார். தனது அறிமுகப் போட்டியிலேயே அனைவரையும் வாயைப் பிளக்கும் வகையில் திகைத்தார்.
இந்திய அணியின் நட்சத்திர பவுலர் மற்றும் இந்தத் தொடரில் அனைவரையும் ஆண்ட பந்துவீச்சாளர் பும்ராவை குறி வைத்து அடித்தார் இந்த 19 வயது கொன்ஸ்டாஸ். முதல் 2 ஓவர்களில் பந்துகளை ஆடாமல் விட்ட அவர், பும்ராவின் 3வது ஓவரில் ஸ்கூப் ஷாட்டில் பவுண்டரி அடித்தார். மறு பந்தே ரிவர்ஸ் ஸ்கூப்பில் சிக்சர். பின்பு மீண்டும் ஒரு பவுண்டரி என மொத்தம் 14 ரன்கள் அந்த ஓவரில்.
பும்ரா மீண்டும் வந்து வீசிய ஓவரில் மறுபடியும் 2 பவுண்டரிகள், 1 சிக்சர் என 18 ரன்கள் விளாசியதோடு அரை சதத்தையும் கடந்தார். இந்திய பந்துவீச்சாளர்கள் முக்கியமாக பும்ரா செய்வதறியாது நின்றது பெரிய அதிர்ச்சியைக் கொடுத்துள்ளது. கவாஜா – கொன்ஸ்டாஸ் பார்தனர்ஷிப் முதல் விக்கெட்டுக்கு 89 ரன்கள் சேர்க்க, ஜடேஜா பந்தில் கொன்ஸ்டாஸ் விக்கெட்டை இழந்து பெவிலியன் திரும்பினார்.
65 பந்துகளில் 6 பவுண்டரிகள், 2 சிக்சர் என அறிமுகப் போட்டியிலேயே அசத்தியுள்ளார் கொன்ஸ்டாஸ். தனது ஆட்டம் முடிந்தப் பின்பு பேட்டில் கொன்ஸ்டாஸ், ” பும்ராவை மீண்டும் குறி வைத்து அடிக்கக் காத்திருக்கிறேன். அடுத்த இன்னிங்சில் மீண்டும் எனக்கு பந்து வீசுவார் என எதிர்பார்க்கிறேன். ” என சவாலாகப் பேசினார்.
இந்த பும்ராவின் ஓவரில் அடிக்கப்பட்ட 18 ரன்கள் தான் அவர் டெஸ்ட்டில் ஒரு ஓவரில் விட்டுக் கொடுத்த அதிக ரன்கள் ஆகும். மேலும் நான்கு ஆண்டுகளுக்குப் பிறகு டெஸ்ட்டில் அவரது பந்தில் சிக்சர் விளாசபட்டுள்ளது. 2வது இன்னிங்சில் கொன்ஸ்டாஸ் – பும்ரா மோதல் அனல் பறக்கும். இதற்க்கு இடையில் கொன்ஸ்டாஸ் நடந்துப் போகும் போது கோலி அவரை வேண்டுமென்றே உரசி வம்புக்கு இழுத்தார். இது மேலும் பரபரப்பை உண்டாகியது.
